اسماء انواع المكياج , اساسيات مكياج صحيح للحلوين

المكياج زيه زى الرسم فن مايعرفش فيه غير الموهوب او اللى دارسه

وبسبب كدة كنا بنشوف مهازل في الجامعات والشغل كل بنت او ست

نازلة من بيتها والمفروض انها حاطة مكياج بس مش لايق على بعض او

مش لايق على هدومها او حتى مش لايق على بشرتها وبتحط كمية كبيرة

جدا على وشها بالرغم من انها بتستخدم ماركات غالية بس مالوش لازمه

طالما مش عارفة تستخدميهم صح اولا الخروج الصبح لازم مكياجه يبقي

خفيف يعنى ممكن تكتفي بالكونسيلر اللى تحت عيونك عشان يديها ضى

واشراقة جميلة وعشان الكونسيلر مايسيحش بنحط طبقة خفيفة من البودرة

المناسبة للون بشرتك اوعي تجيبيها افتح هايبقي شكلك حاطة دقيق تحت

عيونك واوعي تجيبي اغمق دى لما بتحطيها لونك بيقلب ازرق واسألى مجربة

وشوية احمر خدود وتختارى برده اللون اللى بيناسب بشرتك وردي او بينكات

غامق او فاتح وطبعا ماسكارا عشان جمال الرموش يظهر وروج فاتح كدة او لب

جلوس اللى هو ملمع الشفاه ودة مكياج كيوت لطالبة الجامعة او الست اللى

رايحة شغلها الصبح ابعدى عن الاي شادوا الغامق والكحل والروج الغامق والاي لاينر

والفاونديشن كل دى حاجات في المكياج بتحدد ملامحك جدا فالافضل ليها وليكى

انها تتحط بالليل او في المناسبات وبس ومعاهم البودرة المائية و الاي شادو البرونز.

صور بنات جسم , انواع واسماء اشكال اجسام البنات