من فترة مش كبيرة بدأنا نلاحظ ان بعض الاكلات السورية دخلت مطابخنا
وبقوة ودة لان اكلاتهم سهلة ولذيذة من ضمن الاكلات دى نوع من الحلويات
الشرقية اسمها عش البلبل ودة عشان هى في شكلها تشبه عش الطيور
وعلى عكس مالناس فاكرة انها صعبة جدا تتعمل في المطبخ العادي فلجأوا
انهم يشتروها من المحلات السورية بمبلغ مش قليل بس انا جيبتلكم طريقة
سهلة جدا عشانكم انتم بس ياحلوات اولا هاتجيبي خمس معالق عسل ابيض
كبار وتحطي عليهم تلت معالق ماية كبار وتقلبيهم في طبق على جنب هاتولعي
الفرن على ١٨٠ درجة يعني يعتبر وسط ونحضر ربع كيلو كنافة شعر ونحط عليها
خمسين جرام زبدة سايحة ونقلبها كويس جداااا ونبتدي نشكلها على شكل دايرة
ونعمل فيها فراغ كدة من النص ونرصهم في صينية مدهونة زيت او سمنة بس يفضل
سمنة وتدخل الفرن حوالى تلت ساعة او لحد مالونها يبقى بني فاتح تحمر يعني
نطلعها ونيجي في الفراغ اللى عملناه في دواير الكنافة ونحط فستق حلبي مقشر
محمص بعدها نرش عالوش العسل بتاعنا ونحطها فى التلاجة شوية وتقدم باردة.
حلوى عش البلبل , حلوي سورية سهلة التحضير
حلويات اعشاش البلابل
