يا سلام على لمة العيلة واحنا مستنين فيلم هايتعرض لاول مرة عالتليفزيون
وست الكل تعملنا حاجة نتسلي بيها مع الشاي ممكن فشار ممكن لب و
سودانى وممكن شوية موالح نتسلي بيها الموالح دى اكلات مالحة زى الباتون
ساليه المملح بالكمون او الصوابع المملحة او شرايح مملحة بالجبنة وكمان في
كيك مالح بالزعتر و طريقة عمل كيك الزعتر دة بنجيب بولة غويطة ونحط فيها
كيلو الا ربع دقيق مع ٣معالق لبن بودرة ومعلقة ملح كبيرة وكمان كيس خميرة
مع معلقة سكر صغيرة نقلب كويس ونجيب بولة تانية نحط بيضاية ومعلقة زعتر
مطحون ناعم كبيرة وكوباية زيت ذرة او عباد و كوباية قشطة وكوباية ماية دافية
وقلبي كويس جدا وحطى السوايل على الدقيق واعجنيهم كويس اوى تكون
عجينة طرية وناعمة نغطيها ونسيبها ساعة عشان تخمر ونسخن الفرن على
اعلى درجة ونجيب صينية ندهنها زيت ونحط العجينة ونفردها كويس فيها وتدخل
الفرن وبعد حوالى نص ساعة او اقل تخرج وتبرد وتقطعيها وتقدميها مع الشاي .
طبخات موالح سهله , اجمل موالح ممكن تدوقها مع كوباية شاي
طبخة مالحة سهلة
- اجمل صور موالح
- نوع موالح سهل
