ساعات بيطب علينا ضيوف فجأة وبنكون ساعتها مش مستعدين يعنى
مثلا مش بيبقي عندنا اكل مناسب نقدمهولهم ساعتها ست البيت لازم
تتصرف واسرع حل تهربي بيه من الزنقة دى هى المكرونة والفراخ البانية
المكرونة يا اما هاتسلقيها وتعمليها بأى صوص تحبية احمر او ابيض والفراخ
البانيه ليها كذا طريقة اهم حاجة قبل كل الطرق هي التتبيلة يعنى هاتجيبي
بصلة كبيره هاتبشريها صغير اوى وتحطى عليها شوية خل صغيرين وتعصري
ليمونة وتحطى ملح وفلفل اسود و حبة كاري وحبة زعتر صغيرين بتقلبيهم
كويس اوى وبتحطى الفراخ اللى متقطعة رقيق في التتبيلة دى وتسيبيها
على ما تعملى المكرونة بعدها بأة بتجيبي الفراخ و تعمليها يا اما مشوية يا
اما محمرة ومقرمشة المشوية بتنفضي الفراخ كويس من التتبيلة وبتحطيها
على الجريل مع نقطتين زيت او طاسة عادية لو مافيش جريل اما المحمرة
بتحيبي بيضاية وتكسريها عالفراخ وتكونى جايبة بقسماط مطحون ناعم او
خلطة الفراخ الجاهزة من عند العطار وبتاخدى الفراخ تحطيها في البقسماط
كويس وتحمريها في زيت غمر وماتشيليهاش الا لما تتاكدى انها اتحمرت عشان
البقسماط مايتقشرش من عليها وبعد ماتخلصي ويفضل في الاخر التتبيلة و
عليها البيض بتزودى رشة ملح وتحطى عليها البقسماط وتقلبية لما يبقي زى
العجينة كدة وتعملى اشكال دواير صوابع وتحمريها بتكون طعمها حلو واضافة لسفرتك.
طريقة عمل الفراخ البانية , احلى اكلة عالسريع
طرق عمل الفراخ البانية
