الانف من اهم اجزاء الوجه واللى مسؤلة عن عملية الشم وهى واحدة من
الحواس الخمسة مش بس كدة داحنا مانقدرش نتنفس الا منها ولو مثلا جالنا
برد والانف بقت مسدودة مابنعرفش ننام الا لما تخف الاول اما بالنسبة لعمليات
الانف فهى مش بس لتجميل شكل الانف لكنها احيانا بتكون لسبب علاجى زى
مثلا عملية انحراف الحاجز الانفي الحاجز الانفي دة اللى بيفصل بين فتحتين
الانف من جوة واللى لو بعد عن مكانه لاي سبب بياثر على عملية التنفس و
الشم اما بالنسبة لاسباب بعد الحاجز دة عن مكانه ممكن تعرض الانف للكسر
او ممكن يكون عيب خلقي مولود بيه العملية بتتعمل اما بالبنج الكلي او بالبنج
الموضعي على الانف بس وبيكون المريض صاحى وشايف كمان كل حاجة
الجراح بيفمل فتحة تحت الانف عن الجلد اللى بيفصل بين فتحتين الانف و
بيرفعها ويحاول انه يرجع العضمة اللى اسمها الحاجز الانفي لمكانها الطبيعي
وبعد كدة بيرجع الانف زى مكانت وبيقفلها بطريقة تجميلية متبانش بعد كدة ان
حصل فيها جراحة وبيحط جوة الانف جبيرة عشان يثبت بيها الانسجة مكانها و
بتتشال بعد حوالى يوم كامل وممكن يستمر في تغييرها لحد اسبوعين بالكتير
عملية انحراف الحاجز الانفي ,تصحيح وضع الانف
عمليات انحرافات الحواجز الانفية
