امي هى نور حياتى اتالمت كتير عشانى من اول ماحملت فيا ولحد ما
ولدتنى واول ما شافتنى نسيت تعبها سهرت وادتنى من صحتها كتير من
رضاعة واهتمام ورعاية ولو تعبت تتألم معايا حافظة مواعيد التطعيمات
بتاعتي ومانسيتهاش ولا مرة هى اول حضن وأول لمسة اول ايدين مسكتنى
في اول خطواتى او حد اتخض وجري عليا لما وقعت اول حد ذاكرلى وعرفتنى
ازاى اتكلم اصلا وهى اللى علمتنى ازاى اهتم بنفسي وبنضافتى الشخصية
وازاى اتوضا واقف في الصلاة زى ما اكون واقفة ادام ربنا سبحانه وتعالى علمتنى
لما اصاحب اختار اللى شبهي في اخلاقي وطباعي علمتنى انى اكون صريحة
واقول الحق مهما كان علمتنى احترم الكبير واحب الصغير علمتنى ان الحرية لازم
استغلها صح مش استغلها في الغلط علمتنى انى ماصرفش فلوسي فى التفاهات
علمتنى ازاى اكون احسن ام في الدنياا ودة لان انا عندي احسن ام في الدنيا
فعلا
اروع ما قيل في الام , كلمات رقيقة لوصف ست الحبايب
اروع ما قيل في الامهات
