انتشرت الايام دى انواع كتير جدا من الحلويات واللى اخدناها من مطابخ
بلاد مختلفة زى سوريا وليبيا ولبنان وغيرها من البلاد العربية والغربية كمان
اما الحلويات اللى اخدناها من الجزائر دى فعلا احلى حلويات اخدناها واسهل
كمان زى مثلا الصابلي بالشيكولاتة واللى طريقة عمله بتجيبي ربع كيلو زبدة
طرية وعليهم 3 بيضات وبالمضرب خليهم يبقوا خليط شبه الكريمه كدة تضيفي
عليه كوباية سكر بودرة وكيسين بيكنج باودر وكيس فانيليا كل دة وانتى
مستمرة بالضرب هاتجيبي حوالى كوبايتين دقيق وتحطيهم حبه حبه لحد ما
تلاقي عندك عجينة ماسكة نفسها بعدها تفردى العجينة على الرخامة بعد
ماترشيها دقيق عشان ماتلزقش وتقطعيها على حسب الشكل اللى بتحبيه
وترصيهم في صينية مدهونه زيت على درجة حرارة عالية في الفرن لحد ماتبقي
دهبي كدة حوالى ربع ساعة كده هى جاهزة للحشو الحشو عبارة عن معلقة
زبدة طرية على 3 معالق سكر بودرة في حله عالنار ونسيبهم لحد ما يبقوا شبه
الكريمه شوية يكون الصابلي برد نبتدى ندهن واحدة ونلزق فيها التانية وهكذا لحد
ماتخلصى الكمية اللى عملتيها وممكن تزيني بصوص شيكولاته وبعض المكسرات
حلويات جزائرية بالصور ,جددي المنيو بلمسة جزائري
حلوى جزائرية بالصورة
