فين ماما السؤال اللى اول مابندخل البيت بنسأله بتلقائية ودة طبيعي
اصلها لازم تكون فالبيت عشان اتطمن واول ما الاقيها اترمي فحضنها و
ابوسها وافضل احكيلها عن كل كبيرة وصغيرة حصلت معايا في اليوم دة
مهى الوحيدة اللى مش بتمل ولا تزهق من حكاياتى المتكررة كل يوم
عن صاحبتى اللى بحبها ومدرستى اللى مستقصدانى عشان اخد معاها
درس والواد الغلس اللى قاعد في الدسك اللى ادامى وكل شوية يدوس
على شنطتي والدرجة الحلوة اللى جيبتها في الاملاء وانى هاطلع في
الاذاعة المدرسية بكرة وانها لازم تيجي تشوفنى عشان انا هخاف اتكلم
غير لما اشوفها مهى بردة اللى بتشجعنى وعلى طول بتساعدنى في كل
حاجة دة غير انى لما بشوفها فرحانة بيا بحس بسعادة عشان قدرت افرحها
مهى طول الوقت مفرحانى وشيلانى يبقي اعمل اى حاحة بسيطة عشان
اشوف الفرحة في عيونها نفسي لما اكبر يا امى اجيبلك كل اللى تحلمى
بيه نفسي اقدر اخليكى اسعد انسانة في العالم انا بدعي ربنا كل يوم انى
اكون سبب في سعادتك مش زعلك وازعلك ازاى وانت سبب وجودى في
الحياة بحبك يا امى ونفسي ارد جميلك عليا عارفة انك مش مستنية منى
مقابل وعارفة كمان انى مش هاقدر ارد ولو ربع اللى عملتيه معايا بس هحاول.
صور عن الام مكتوب عليها , العطاء بدون مقابل امي
صورة عن الم مكتوب عليها
- صور عن الام
- ا مي
- الام مكتوبة عليها
- العطاء بدون مقابل
- صور امي
- صور عن العطاء بدون مقابل
- صوره عن الام
- صوره مكتوب عليها كلام عن الام
