اول ما الاب والام يخلفوا بنت بيعرفوا انهم داخلين في يوم من الايام على
جهاز وشوار للبنت فبالتالى بيسعي الاب عشان يحوش لجهاز البنت والام
بتحوش من مصروف البيت وتجيبلها حاجة ف حاجة كدة مرة طقم كوبايات
ماية مرة طقم كوبايات شاي مرة كاسات كمرة صوانى ودة بيكون اول ما
لبنت تبلغ بيستعدوا لانها ممكن يطلبوا ايديها في اي وقت يعنى بتكون
قربت تتجوز كمان مش الاب والام بس دحنا بنلاقي البنت نجحت فالثانوية
تلاقي خالها جابلها الصيني هدية وعمتها جابت البايركس وبنت خالتها
جابت الفنجاين بتاعة القهوة وستها جابت طقم حلل تيفال او سيراميك
وبتيجي البنت ساعة مايجي العريس المناسب تطلع من تحت السرير
وتكتب من عند جارتها اللى كانت شايلة عندها حاجات عشان المكان
وتكتب قايمة بالحاجات اللى عندها والحاجات اللى لسة فاضلة وتجيب
المفروشات البطانيتين الكبار وبطانيتين للبيبي والملايات مش اقل من
١٢ طقم ملاية متنوعة مابين السادة والمشجر والمطرز وزيهم للبيبي و
كوفرتات و مفرش السرير المطرز اللى مش جاب زيه فى العيلة والبرنس
بتاع الحمام البينك ليها والبيج للعريس والفوط الكبيرة والصغيرة والبشاكير
وفوط المطبخ وماننساش اللحاف الفايبر وكمان لحافين صغيرين للبيبي .
صور جهاز عروس , اجمل اطقم الصيني والكاسات
صورة جهاز العروس
- أحلى أطقم
- احلى صور جهاز العروس
- صور عروس و عرس صيني
- صورجهازعريس
- موديلات أطقم الكاسات
