طبعا كل الستات عارفين يعنى ايه حمل ويعنى ايه فترة الحمل دى كلها
ويعنى ولادة لكن الحامل لاول مرة محتاجة توعية عشان تكون فاهمة هى
داخلة على ايه وتعرف تتعامل مع نفسها وبيتها وجوزها لازم تكونى عارفه ان
فترة الحمل دى فترة مش عادية واكيد كل مرحلة من مراحل نمو الجنين بتاثر
فيكى بشكل او باخر لازم تكونى عارفة ان هايكون في تغيير جذرى في هرموناتك
وفي شكلك وكل دة بياثر على نفسيتك طبعا يعنى بيكون في قلق وتوتر وعشان
بطنك بتكبر بتكونى مكتئبة احيانا بتخافي على شكلك وشكل جسمك اللى ممكن
مايرجعش تانى لطبيعته ممكن كمان يقلب بخوف جامد على البيبي نفسه ويبقي
في بعض القلق زى مثلا هو البيبي حصله تشوهات هو كمل طب هاينزل كويس
وسليم طب الولادة بتوجع طب قيصري ولا طبيعي كل دة بيسببلك قلق نفسي
وتوتر بس طبعا لازم تهدى وتمارسي اليوجا لانها بتساعدك في التنفس بعمق ودة
اهم حاجة للحامل وفي الاواخر تشغلى نفسك بتحضير شنطة البيبي لانك هاتشوفيه
اخيرا بعد طول انتظار وهاتملى عيونك منه ومن جماله وهتاخديه في حضنك عالاخر
التغيرات النفسية للحامل ,اهدى يامدام انتى حامل
التغير النفسي للحامل
