ساعات بيطب علينا ضيوف فجأه و بنكون ساعتها مش مستعدين يعنى
مثلا مش بيبقى عندنا طعام مناسب نقدمهولهم ساعتها ست المنزل لازم
تتصرف و اسرع حل تهربى بية من الزنقه دي هي المكرونه و الفراخ البانية
المكرونه يا اما هاتسلقيها و تعمليها بأي صوص تحبيه احمر او ابيض و الفراخ
البانية ليها هكذا كيفية اهم حاجه قبل جميع الطرق هى التتبيله يعني هاتجيبي
بصله كبار هاتبشريها صغير اوي و تحطي عليها شويه خل صغيرين و تعصري
ليمونه و تحطي ملح و فلفل اسود و حبه كارى و حبه زعتر صغيرين بتقلبيهم
كويس اوي و بتحطي الفراخ اللي متقطعه رقيق فالتتبيله دي و تسيبيها
علي ما تعملي المكرونه بعدين بأه بتجيبى الفراخ و تعمليها يا اما مشويه يا
اما محمره و مقرمشه المشويه بتنفضى الفراخ كويس من التتبيله و بتحطيها
علي الجريل مع نقطتين زيت او طاسه عاديه لو ما فيش جريل اما المحمرة
بتحيبى بيضايه و تكسريها عالفراخ و تكوني جايبه بقسماط مطحون ناعم او
خلطه الفراخ الجاهزه من عند العطار و بتاخدي الفراخ تحطيها فالبقسماط
كويس و تحمريها فزيت غمر و ما تشيليهاش الا لما تتاكدي انها اتحمرت عشان
البقسماط ما يتقشرش من عليها و بعد ما تخلصى و يفضل فالاخر التتبيله و
عليها البيض بتزودي رشه ملح و تحطي عليها البقسماط و تقلبيه لما يبقى زى
العجينه كده و تعملي اشكال دواير صوابع و تحمريها بتكون طعمها حلو و اضافه لسفرتك.
كيفية عمل الفراخ البانيه , احلي اكله عالسريع
طرق عمل الفراخ البانية
