زمان كان جدى يحكيلي قصص كتير جدا عن سيدنا محمد صلى الله عليه
وسلم وعن الصحابة رضي الله عنهم وعن قصص في القرآن الكريم وكمان
قصص جميلة جدا عن الناس اللى بتعصي ربنا وبترجع تتوب وبتكون من
الصالحين لانهم بيتوبوا من قلبهم بجد وبيخلصوا النية لله سبحانه وتعالى
عشان كدة ربنا بيقبلهم وبيثبتهم على ايمانهم افتكر قصة من القصص دى
ان كان في واحد حرامى ومش بيبطل سرقة وبيشرب الخمور وبيغتصب
الستات وممكن يقتل كمان وفيوم ابنه اتوفي فعرف ان ربنا بيعاقبه على
عمايله الوحشة اللى بيعملها طول الوقت فقرر يتوب ماعرفش فراح لسيدنا
محمد صلى الله عليه وسلم و طلب منه يقوله ازاى يتوب رد عليه النبي
عليه الصلاة والسلام وقاله بطل كذب وتزورنى كل يوم قال الراجل بس كدة
الكدب بس دى سهلة الراجل راح شرب خمر وسرق برده وجه تانى يوم للنبي
عليه الصلاة والسلام وسأله سرقت الراجل قال اه واتكسف جدا سأله تانى
شربت الخمر الراجل قال اه مهو بطل كذب لكن لقي نفسه متضايق وان شكله
وحش ادام النبي صلى الله عليه وسلم وادام الصحابة كمان تانى يوم جه يشرب
قال لنفسه لا عشان ماروحش اتكسف زى امبارح جه يزنى افتكر منظره ادام
النبي صلى الله عليه وسلم مازناش جه يسرق ماسرقش فعرف ان كل حاجة
وحشه اساسها الكذب وبكل كل حاجة وحشة وبقي يصلى في المساجد
قصص مؤثرة عن التوبة , كيف تعود الى الله سبحانه وتعالى
قصة مؤثرة عن التوبة
- صور التوبة
- قصص عن التوبة
