الزبادى هو بطل السحور في رمضان وهو كمان اكل مفيد جدا للاطفال
وبنجيبه كتير جدا عشانهم بس مع الغلا اللى المستمر دة اللى احنا فيه
بنقلل استهلاكنا ليه طب ليه نقلل مانعمله في البيت ونوفر كمان عشان
نحضر مثلا 6 كوبايات زبادي نجيب نص كيلو لبن مع كوباية زبادى يعنى
حوالى اربع معالق من الزبادى العادي اللى عند اللبان مش جهينة ولا لاكتيل
والماركات دى هانجيب اللبن ونغليه في حلة كبيرة وبعدها نسيبه يبرد نجيب
الزبادى ونحطه في كوباية كبيرة او طبق غويط نحط عليه شوية لبن عشان
يكون سايل بعدها ندفي اللبن ونصب عليه الزبادى ونقلبه كويس اوي بعدها
نجيب يا اما كوبايات ازاز او فخار او مجات بورسلين و ممكن في برطمانات وتزينيه
بالفواكه والمكسرات وجبة متكاملة مغذية جدا للاطفال زى مانحب عادي ونصب
الخليط فيهم بالتساوي ونرصهم في صينية فيها ماية دافية ونغطى الكوبايات
بورق الومنيوم وندخله الفرن على نار متوسطة دقيقتين بالظبط ونطفي عليه
بس نسيبه في الفرن 12 ساعة يعنى اعمليه من بالليل عشان تاكليه تانى
يوم عالسحور بعد ال12 ساعة نحطه في التلاجة عشان يتماسك ويبقي زى
بتاع اللبان بالظبط بس طبعا انضف لانك عاملاه بايديكى وقدام عيونك
كيفية عمل الزبادى ،احلى زبادي من عمايل ايديكى
كيفية عمل الزبدية
