من فتره مش كبيره بدأنا نلاحظ ان بعض الطبخات السوريه دخلت مطابخنا
وبقوه و ده لان اكلاتهم سهله و لذيذه من ضمن الطبخات دي نوع من الحلويات
الشرقيه اسمها عش البلبل و ده عشان هي فشكلها تشبة عش الطيور
وعلي عكس ما لناس فاكره انها صعبه جدا جدا تتعمل فالمطبخ العادى فلجأوا
انهم يشتروها من المحلات السوريه بمبلغ مش قليل بس انا جيبتلكم طريقة
سهله جدا جدا عشانكم انتم بس ياحلوات اولا هاتجيبى خمس ملاعق عسل ابيض
كبار و تحطى عليهم تلت ملاعق ما يهكبيرة و تقلبيهم فطبق علي جنب هاتولعي
الفرن علي ١٨٠ درجه يعنى يعتبر و سط و نحضر ربع كيلو كنافه شعر و نحط عليها
خمسين جرام زبده سايحه و نقلبها كويس جدااا و نبتدى نشكلها علي شكل دايرة
ونعمل بها فراغ كده من النص و نرصهم فصينيه مدهونه زيت او سمنه بس يفضل
سمنه و تدخل الفرن حوالي تلت ساعه او لحد ما لونها يبقي بنى فاتح تحمر يعني
نطلعها و نيجى فالفراغ اللي عملناة فدواير الكنافه و نحط فستق حلبى مقشر
محمص بعدين نرش عالوش العسل بتاعنا و نحطها فالتلاجه شويه و تقدم باردة.
حلوي عش البلبل , حلوى سوريه سهله التحضير
حلويات اعشاش البلابل
